الرحمه والرفق بالحيوانات

الرحمه والرفق بالحيوانات

تجربه تنقلها لكم لخابيط

L5abet Oriental Society

قد جعل النبي –صلى الله عليه وسلم- الرحمة بالحيوان باباً من أبواب الأجر ودخول الجنة، كما جعل القسوة معها سبباً لدخول النار.

فقد جاء في الحديث الذي رواه البخاري ومسلم عن أبي هريرة –رضي الله عنه- عن رسول الله –صلى الله عليه وسلم- قال: ((بينما رجل يمشى فاشتد عليه العطش فنزل بئراً فشرب منها، ثم خرج فإذا هو بكلب يلهث، يأكل الثرى من شدة العطش قال: لقد بلغ هذا الكلب مثل الذي بلغ بي، فملأ خفه، ثم أمسكه بفيه، ثم رقي، فسقى القلب! فشكر الله له، فغفر له)) قالوا يا رسول الله! وإن لنا في البهائم أجرا؟ قال: ((في كل كبد رطبة أجر)).

و روي أيضاً عن أبي هريرة –رضي الله عنه- قال: قال رسول الله –صلى الله عليه وسلم-: ((بينما كلب يطيف بركية كاد يقتله العطش، إذ رأته بغي من بغايا بني إسرائيل فنزعت موقها فسقته فغفر لها به)). ومعنى الركية: البئر.
---
عن عائشة رضي الله عنها أن النبي –صلى الله عليه وسلم-
 كان يصغي للهرة الإناء فتشرب ثم يتوضأ بفضلها

ازيكم يا ملخبطين ،، باختصار لما تبقي داخل علي قهوه شعبي صعيدي في ضهر محطه سوهاج وتلاقي قطه قاعده علي كرسي خشب في امان الله لدرجه انها لفتت 

انتباهي فرجعتلها تاني وبرضه ماتحركتش من الكرسي ولا ان في حد قرب منها رحت مصورها ورجعت مكاني علي استحياء

قلت اكيد هيتريقوا علي اللي بيصور قطط شارع وهيجي اللي يهشها او يخبطها بحاجه عشان تبعد وتفضي الكرسي لزبون ينفع المكان ،،، وفعلا لقيت واحد جاي عليا بسرعه عرفت منه انه عم عادل عامل القهوه ،، قلي لا دي صاحبه المكان هنا استني اندهالك تجيلي بس لما تصحي !!! وفعلا شويه وشاورلها فنزلت وراحتله بهدوء وشالها عادي رغم انه قط بلدي او شوارع زي مابنقول وقعد عم عادل يستعرض مهاراته ازاي بيمسكهم وبيحبوه ويشرحلي ازاي بيهتم بيها بعيالها وبوجباتها المخصوص من اللنشون ونصيبها من اكل البيت واهتمامه خلال سنوات عمله بالقهوه ببقيه قطط الشارع وذكرياته مع القطط المشرده بكل انواعها خصوصا الغاليه اللي بتهرب من صحابها ،، بجد قد ماكنت مستعد لاستقبال وابل التريقه من رواد القهوه علي الصوره اللي خدتهالها واللي انقذني منها عم عادل وكانت من نصيبه هو واستقبلها بسخريه وبفخر باللي بيعمله

قد ما استغربت من وجود شخص زي عم عادل بطيبته وبساطته وتكلفه اكلهم عليه ورغم كده ماتاخرش انه يعمل تطبيق عملي وياكلهم قدامي اللنشون عشان معاد غداهم ،، ربنا يكتر من الرحيمين امثالك ياعم عادل ويجعله في ميزان حسناتك ،، وطبعا مافوتش الفرصه وقلت لازم اصوره عشان الناس تعرف اللي زي عم عادل لسه موجودين في مجتمعنا ،، 

من قلب الحدث ادمن ‫#‏لخابيط‬